“Mançester Yunayted”in futbolçusu “Napoli”də

Müqavilə ilə “Mançester Yunayted”ə məxsus olan, icarə əsasında “Aston Villa”da çıxış edən Aksel Tuanzebe karyerasını İtaliyada davam etdirəcək.

Komanda.az xəbər verir ki, 24 yaşlı müdafiəçi mövsümün sonuna qədər “Napoli”də çıxış edəcək. Bu barədə İngiltərə mətbuatı məlumat yayıb.

“Napoli” müdafiəçinin icarəsi üçün “Mançester Yunayted”lə razılaşıb. Tuanzebe İtaliyaya gedərək, Neapol təmsilçisi üçün tibbi müayinədən keçib.

Tuanzebe bu mövsüm “Aston Villla”da 11 oyuna çıxıb.