Müllerlə Qnabri sağaldı

Almaniyanın “Bavariya” klubunun yarımmüdafiəçisi Serj Qnabri ilə hücumçu Tomas Müller sıraya dönüb.

Komanda.az xəbər verir ki, bu barədə Münhen təmsilçisinin rəsmi saytı məlumat yayıb.

Xəbərdə hər iki futbolçunun artıq klub bazasında fərdi məşqlərə start verdiyi diqqətə çatdırılıb. Onların tezliklə komanda ilə məşqlərə başlaması gözlənilir.

Qeyd edək ki, Müllerdə koronavirus aşkarlandığı üçün xeyli müddət idi karantində idi. Qnabri isə zədədən əziyyət çəkirdi.