“Vinisiusa mükafatın verilməməsi ayıbdır”

“Tottenhem”in hücumçusu Riçarlison “qızıl top” üçün səsvermənin nəticələri barədə danışıb.

Komanda.az xəbər verir ki, braziliyalı futbolçu sosial şəbəkə hesabındakı paylaşımında “qızıl top”un Vinisius Juniora verilməməsinin ayıb olduğunu bildirib:

“Vinisius qeyri-müəyyən meyarlara görə mükafatı almadı. Mübahisə etmirəm ki, Rodri Hernandes inanılmaz futbolçudur, o, layiqincə ən yaxşılar sırasındadır. Lakin Vinisiusa mükafatın verilməməsi ayıbdır”.

Mükafat “Mançester Siti”nin ispaniyalı yarımmüdafiəçisi Rodriyə təqdim edilib, baxmayaraq ki, “Real”ın hücumçusu Vinisius Juniorun qalib gələcəyi proqnozlaşdırılırdı.

Vinisius səsvermənin nəticələrinə görə ikinci yeri tutub. İlk üçlüyü “Real”ın digər futbolçusu – yarımmüdafiəçi Çud Bellingem tamamlayıb.