“Müdafiədəki oyunumuzdan məmnunam” – Millinin baş məşqçisi

İslandiya milli komandasının baş məşqçisi Oqe Hareyde AÇ-2024-ün seçmə mərhələsinin 4-cü turunun Portuqaliya ilə matçını (0:1) şərh edib.

Komanda.az xarici KİV-ə istinadən xəbər verir ki, o, məğlub olmaqlarına rəğmən, müdafiədə yaxşı çıxış etdiklərini söyləyib:

“Müdafiədəki oyunumuzdan məmnunam. Düşünürəm ki, biz bunu yaxşı bacarırıq. Meydançada 10 nəfər qaldıqdan sonra matç bizim üçün çətin keçdi. Rəqib təzyiq göstərdi. Məncə, futbolçularım birlikdə yaxşı çıxış edirlər. Bu tempdə davam etsək, düzgün şəkildə irəliləmiş olacağıq”.

Əsas vaxta əlavə edilmiş 1-ci dəqiqədə fərqlənən Kriştiano Ronaldo Portuqaliyaya qələbə qazandırıb. İslandiya millisi isə matçın 81-ci dəqiqəsində meydanda azlıqda qalıb.

İslandiya millisi hazırda J qrupunda 3 xalla beşinci, Portuqaliya isə 12 xalla birincidir.