“Mübarizə aparmaq lazımdır” – Tsxadadze

Premyer Liqanın 19-cu turunun “Zirə” – “Qəbələ” oyunundan (4:0) sonra “qırmızı-qaralar”ın baş məşqçisi Kaxaber Tsxadadzenin mətbuat konfransı keçirilib.

Komanda.az gürcüstanlı mütəxəssisin görüş barədə fikirlərini təqdim edir:

“İlk hissədə istədiyimiz kimi oynaya bilmədik. Mübarizə yox idi, təşəbbüsü “Zirə”yə vermişdik. Rəqib yaxşı pressinq edirdi, onlarda böyük istək var idi. İlk dəfə belə hal yaşanır. Heç bir rəqibə qarşı belə oynamamışdıq. İkinci hissədə oyunu dəyişməyə çalışdıq. Meydana daxil olan gənclər mübarizə apardılar. Oyun alınmaya bilər, amma mübarizə aparmaq lazımdır. İstəksiz görünən futbolçularla bağlı tədbir görüləcək. Mən komandaya gələndə komanda sonuncu pillədə idi. Kluba kömək etməyə gəlmişəm. Qarşıda kubok matçımız var. Həmin görüşə hazırlaşacağıq. Uzunmüddətli planlarımız var. “Qəbələ”nin adı, infrastrukturu var. Belə bir klubu saxlamaq lazımdır. Ümid edirəm ki, hamı bu barədə yaxşı düşünəcək. “Qəbələ” Premyer Liqada qalsa, növbəti mövsüm “üçlük” uğrunda mübarizə aparacaq. Birinci liqaya düşsək, bir ildən sonra geri qayıdacaq”.