MS “Yuventus”un müdafiəçisi üçün danışıqlara başlayacaq

“Mançester Siti” “Yuventus”un müdafiəçisi Andrea Kambiassonu transfer etmək üzərində işləyir.

Komanda.az xarici KİV-ə istinadən xəbər verir ki, “şəhərlilər” 24 yaşlı futbolçuya illik 6 milyon avro maaşla 2030-cu ilə qədər olan müqavilə təklif etməyə hazırdır.

Hələlik rəsmi təklif olmayıb, ancaq yaxın vaxtlarda klublar arasında danışıqlara başlanılacaq. “Yuventus” oyunçusu üçün 75 milyon avro istəyir. Razılaşma bu ay və ya yayda baş tuta bilər.

İtaliyalı futbolçu bu mövsüm Tiaqo Mottanın komandasında 25 oyun keçirib, 2 qol vurub və 1 məhsuldar ötürmə edib.