“Mançester Siti”nin futbolçusu “Nyukasl”a keçəcək

“Mançester Siti”nin yarımmüdafiəçisi Kelvin Fillips qış transfer pəncərəsində komandadan ayrılacaq.

Komanda.az “Telegraph” nəşrinə istinadən xəbər verir ki, ingiltərəli futbolçunun xidmətində “Nyukasl” maraqlıdır. “Sağsağanlar”ın baş məşqçisi Eddi Hou şəxsən özü 28 yaşlı oyunçunun keçidində israrlıdır. “Nyukasl”ın futbolçunu yanvar ayında icarəyə götürəcəyi bildirilir.

“Mançester Siti” Kelvin Fillipsi 2022-ci ilin yayında “Lids”dən transfer edib. İngiltərə millisinin üzvü cari mövsümdə “şəhərlilər”in heyətində meydana çıxdığı 10 matçda 1 qol vurub.