“Mançester Siti” gürcü futbolçu ilə maraqlanır

“Mançester Siti” vinger oyunçusu axtarışındadır.

Komanda.az “Daily Mail”-ə istinadən xəbər verir ki, klubun maraqlandığı futbolçuların qısa siyahısına “Napoli”nin vingeri Xviça Kvaratsxeliya da daxildir.

Mançester təmsilçisinin skautları ötən il ərzində 22 yaşlı oyunçunu izləyiblər.

Kvaratsxeliya bu mövsüm bütün turnirlərdə 26 oyuna çıxıb, 5 qol vurub və 5 məhsuldar ötürmə verib. Gürcüstanlı futbolçunun “Napoli” ilə hazırkı müqaviləsi 2027-ci ilin yayına qədər nəzərdə tutulub.