MS futbol tarixinin ən bahalı müdafiəçisinin keçidini rəsmiləşdirir

“Leyptsiq”in müdafiəçisi Coşko Qvardiol “Mançester Siti”də tibbi müayinədən keçib.

Komanda.az xarici KİV-ə istinadən xəbər verir ki, Almaniya və İngiltərə klubları arasında bütün transfer sənədləri imzalanıb. 21 yaşlı xorvat futbolçu “Mançester Siti”yə 90 milyon avroya başa gələcək və bu onu futbol tarixinin ən bahalı müdafiəçisi edəcək.

Qvardiol 2021-ci ildən “Leyptsiq”də çıxış edir. O, Almaniya klubunun heyətində 87 oyunda 5 qol vurub və 3 məhsuldar ötürmə edib.