MS Fernandinyonu əvəzləyəcək futbolçunu tapıb

“Mançester Siti” “Vest Hem”in yarımmüdafiəçisi Deklan Raysla maraqlanır.

Komanda.az “Daily Mail”-ə istinadən xəbər verir ki, Fernandinyo yayda klubu tərk edəcəyi üçün “şəhərlilər” 23 yaşlı futbolçunu transfer etməyə çalışacaq.

Raysın özünün isə yetirməsi olduğu “Çelsi”yə keçmək istədiyi deyilir. Amma hazırda London klubunun bu transferi həyata keçirmək imkanı yoxdur.

Raysın “Vest Hem”lə hazırkı müqaviləsi 2024-cü ilin iyununda başa çatır.

O, bütün turnirlərdə 43 oyuna çıxıb, 5 qol vurub və 4 məhsuldar ötürmə edib.