“Mançester Siti”dən “Vest Hem”ə 70 milyonluq təklif

“Vest Hem”in yarımmüdafiəçisi Lukas Paketa karyerasını “Mançester Siti”də davam etdirə bilər.

Komanda.az “Globo Esporte”-yə istinadən xəbər verir ki, İngiltərə çempionu braziliyalı üçün 70 milyon funt-sterlinq təklif edib. Londonlular hələ bu təklifə cavab verməyiblər.

Paketa 2022-ci ilin avqustunda 51 milyon funt-sterlinqə Fransanın “Lion” klubundan “Vest Hem”ə keçmişdi.

“Sambaçı” 2022/23 mövsümündə bütün turnirlər daxil olmaqla 41 oyuna çıxıb, 5 qol vurub və 7 məhsuldar ötürmə edib.

Mançester təmsilçisi yay transfer pəncərəsində “Çelsi”dən Mateo Kovaçiçi, “Leyptsiq”dən Yoşko Qvardiolu transfer edib.