“Moyesi “Vest Hem” tarixinin ən yaxşı baş məşqçisi hesab etmək olar” – Rays

“Vest Hem”in kapitani Deklan Rays Avropa Konfrans Liqasının “Fiorentina” ilə final oyunu (2:1) haqda fikirlərini bölüşüb.

Komanda.az xarici KİV-ə istinadən xəbər verir ki, o, İngiltərə klubunun çalışdırıcısı David Moyes barədə danışıb:

“Mövsüm ərzində baş məşqçimiz çətin anlar yaşadı. Onun komandadakı işinə diqqətlə baxsaz, bizi iki dəfə xilas etdiyini görə bilərsiz.

Moyeslə ardıcıl iki dəfə avrokuboklara vəsiqə qazandıq. Bu dəfə kuboka sahib olduq. Məncə, Moyesi “Vest Hem” tarixinin ən yaxşı baş məşqçisi hesab etmək olar”.

Xatırladaq ki, “çəkicdöyənlər” 58 ildən sonra ilk dəfə avrokubokların final görüşündə qalib gəlib.