Beqoviç “Milan”a keçidindən danışdı: “5 dəqiqə ərzində qərar verdim”

Mövsümün ilk dövrəsini “Qarabağ”da keçirən, qış fasiləsində “Milan”a keçən Asmir Beqoviç açıqlama verib.

Komanda.az xarici mətbuata istinadən xəbər verir ki, 32 yaşlı qapıçı A Seriyası klubuna keçidindən danışıb:

“Milan”a “hə” demək nə qədər vaxtımı aldı? 5 dəqiqə ərzində qərar verdim. Bir çox seçimim vardı, ancaq daha sonra “Milan”dan da təklif gəldi.

Dünyanın ən böyük klublarından birində oynamaq şansım yarandı. Bu fürsəti dərhal qəbul etdim. Komandaya həm meydanda, həm də meydandan kənarda fayda vermək üçün burdayam”.

Beqoviç mövsümün sonuna qədər “Milan”ın formasını geyinəcək. Qapıçı müqavilə ilə İngiltərənin “Bornmut” klubuna məxsusdur.