Mövsümün ən yaxşı futbolçusu və baş məşqçisi adına namizədlər məlum oldu

UEFA 2022/2023 mövsümünün ən yaxşı futbolçusu adına namizədləri açıqlayıb.

Komanda.az UEFA-nın rəsmi saytına istinadən xəbər verir ki, siyahıda üç oyunçunun adı göstərilib.

Bunlar İngiltərə “Mançester Siti”sindən Erlinq Haland və Kevin De Bruyne, Fransa PSJ-sindən ABŞ-ın “İnter Mayami” klubuna keçən Lionel Messidir.

Ən yaxşı baş məşqçi adına namizədlər isə “Mançester Siti”dən Xosep Qvardiola, İtaliya “İnter”indən Simone İnzaqi və “Napoli”dən ayrılan Luçano Spallettidir.

Qaliblərin adları avqustun 31-də açıqlanacaq.