“Mövsüm bizim üçün çox möhtəşəm keçdi”

“Qəbələ”nin müdafiəçisi Murad Musayev Azərbaycan kubokunun “Neftçi” ilə matçından sonra (1:0) fikirlərini bölüşüb.

Komanda.az xəbər verir ki, o, möhtəşəm mövsüm keçirdiklərini diqqətə çatdırıb:

“Həqiqətən də, mövsüm bizim üçün çox möhtəşəm keçdi. Həm çempionatda, həm də kubokda istədiyimizə nail olduq. Bunun üçün çox xoşbəxtik. Sevinirik”.

Musayev, “Karyeranı “Qəbələ”də davam etdirəcəksən, yoxsa başqa klublardan gələcək təklifləri dəyərləndirməyi düşünürsən” sualını belə cavablandırıb:

“İnşallah, karyeramı “Qəbələ”də davam etdirəcəyəm. Bu klub bizim üçün çox önəmlidir”.

Xatırladaq ki, “Bakcell Arena”da keçirilən oyunda əsas vaxt qolsuz bitib. Əlavə vaxtda isə penalti qazanan “Qəbələ” bu şansdan maksimum yararlanıb. Beləcə, 1:0 hesablı qələbə qazanan “Qəbələ” ölkə kubokunun qalibi olub.

Rövşən Əlisoy