“Mövcud vəziyyətdə Çempionlar Liqasını tamamlamaq mümkünsüzdür”

Almaniyanın “Bavariya” klubunun müdafiəçisi Lukas Hernandes açıqlama verib.

Komanda.az Fransa mətbuatına istinadən xəbər verir ki, 24 yaşlı futbolçu, koronavirus pandemiyası səbəbiylə dayandırılan çempionatlarla bağlı danışıb:

“Çempionlar Liqası koronavirusun təsir etdiyi bütün ölkələri maraqlandıran məsələdir. Hər kəsi karantindən çıxarmaq, eyni vəziyyətə gətirmək, bundan başqa, İtaliyaya getmək çətin olacaq. Real olsaq, mövcud vəziyyətdə Çempionlar Liqasını tamamlamaq mümkünsüz olacaq. Xüsusilə, yerli çempionatları tamamlamağa üstünlük verilsə, ÇL oyunları keçirmək mümkün olmayacaq”.