“Ona hər zaman hörmət edəcəm” – Lempard

İngiltərənin “Çelsi” klubunun baş məşqçisi Frenk Lempard Premyer Liqanın 18-ci turu çərçivəsində “Tottenhem”ə qarşı keçirəcəkləri oyundan əvvəl açıqlama verib.

Komanda.az klubun saytına istinadən xəbər verir ki, ingiltərəli mütəxəssis, “zadəganlar”ın keçmiş baş məşqçisi, hazırda “Tottenhem”i çalışdıran Joze Mourinyo ilə bağlı danışıb:

“Mourinyo “Çelsi”nin ən yaxşı məşqçilərindən biri olub, onun əla keyfiyyətləri var, amma mən burda kimisə təqlid etmək istəmirəm. Mourinyoya qarşı oynamaqdan məmnunam. Keçən mövsüm “Derbi Kaunti”də çalışarkən, Mourinyonun rəhbərlik etdiyi “Mançester Yunayted”lə qarşılaşmışdıq. Ona hər zaman hörmət edəcəm. Əsas məsələ odur ki, hər kəs bu oyunun, rəqabətin komandalar üçün nə olduğunu bilir. Bu, futbolun gözəlliyidir”.

“Tottenhem” – “Çelsi” oyunu bu gün, saat 20:30-da start götürəcək.