“Mourinyo yeni klub tapmaqda heç vaxt problem yaşamayacaq”

Joze Mourinyonun agenti Jorje Mendeş portuqaliyalı mütəxəssisin gələcəyindən danışıb.

Komanda.az “Record”-a istinadən xəbər verir ki, Mendeş, 60 yaşlı mütəxəssisin təqdimata ehtiyacı olmadığını bildirib:

“Əlbəttə, Jozenin təqdimata ehtiyacı yoxdur. Onun qazandığı titullar öz sözünü deyir. Mourinyo təkcə məşqçi deyil. Joze yeni klub tapmaqda heç vaxt problem yaşamayacaq, o, xüsusi mütəxəssisdir.

Onunla Səudiyyə Ərəbistanından klublar maraqlanır? Düzdür, bir neçə ay əvvəl Mourinyonun bu ölkədə işləmək imkanı var idi. O, “Roma”da qalmaq istədiyi üçün bu fikrindən əl çəkdi”.

Mourinyo yanvarın 16-da “Roma”nın baş məşqçi postundan istefaya göndərilib.