“Mourinyonu “Barselona”da görmək istəyirəm” – Eto

İspaniyanın “Barselona” klubunun sabiq futbolçusu Samuel Eto Joze Mourinyo ilə bağlı açıqlama verib.

Komanda.az İspaniya mətbuatına istinadən xəbər verir ki, bir neçə gün əvvəl karyerasını bitirən kamerunlu futbolçu, Mourinyonun Kataloniya klubunda çalışmasını istədiyini deyib:

“Mourinyonun futbol dünyasındakı ən yaxşı insanlardan biri olduğunu deməkdən bezmişəm. Karyeramı başa vurduğum zaman ilk mesajı o göndərdi. O, hörmətə layiqdir. Hamımız onun üçün mübarizə aparmağa hazır idik.

Onun İspaniyaya qayıtması çox yaxşı olar. Ondan “Malyorka”ya rəhbərlik etməsini istəyərdim, ora onun xoşuna gələcək. Amma Mourinyonu daha çox “Barselona”da görmək istəyirəm”.

Eto 2009-2010-cu illərdə “İnter”də Mourinyonun rəhbərliyi altında çıxış edib.