Mourinyo: “Layiqli qələbə qazandıq”

“Fənərbaxça” UEFA Avropa Liqasının 5-ci turunda səfərdə “Slaviya”nı 2:1 hesabı ilə məğlub edib.

Komanda.az UEFA-nın mətbuat xidmətinə istinadən xəbər verir ki, İstanbul klubunun portuqaliyalı baş məşqçisi Joze Mourinyo bu nəticə haqda danışıb:

“Oyunun birinci yarısı bizim üçün çox çətin oldu. Fasilədən sonra dəyişikliklər etdim. Uşaqlar öz oyunları üçün yer tapdılar. İkinci hissədə yaxşı oynadıq və layiqli qələbə qazandıq”.

“Fənərbaxça” Avropa Liqasının liqa mərhələsinin 5 turundan sonra 8 xal toplayıb və turnir cədvəlinin 15-ci pilləsində qərarlaşıb. “Slaviya” isə 4 xalla 26-cıdır.