Mourinyodan Çempionlar Liqasının finalı ilə bağlı proqnoz

Son olaraq “Mançester Yunayted”də çalışan Joze Mourinyo Çempionlar Liqası ilə bağlı açıqlama verib.

Komanda.az İtaliya mətbuatına istinadən xəbər verir ki, portuqaliyalı mütəxəssis, bu mövsüm turnirdəki favoritlərini açıqlayıb:

“Hamı Kriştiano Ronaldo və Lionel Messi haqqında danışır, amma mən “Yuventus” və “Barselona” haqqında danışmağı üstün tuturam. Hər kəs fərdlərə köklənir. Mən həmişə məşqçi olacam, futbol da hər zaman komanda oyunu olacaq. Həm “Yuventus”da, həm də “Barselona”da hər bir futbolçu çox təcrübəli və istedadlıdır. Bu komandaların Çempionlar Liqasının finalında olacağını düşünürəm. İki komanda da xüsusi futbolçulara sahibdir”.

Çempionlar Liqasının 1/4  final mərhələsində “Yuventus” “Ayaks”la, “Barselona” isə “Mançester Yunayted”lə qarşılaşacaq.