Mourinyo “Barselona”nı çalışdıra bilər

“Roma”dan ayrılan Joze Mourinyo karyerasını “Barselona”da davam etdirə bilər.

Komanda.az “abc.es”-ə istinadən xəbər verir ki, 61 yaşlı mütəxəssisin agenti Jorje Mendeş onun xidmətlərini Kataloniya klubuna təklif edib.

Bildirilib ki, portuqaliyalı məşqçinin daha əvvəl “Real”da işləməsi azarkeşlərin narazılığına səbəb ola bilər.

Mourinyo yanvarın 16-da İtaliya klubu ilə vidalaşıb. Xavi isə mövsümün sonunda “Barselona”nın baş məşqçi postundan ayrılacağını açıqlayıb.