Mourinyo Ançelottiyə səsləndi: “Finalı birlikdə qazanaq!”

“Roma”nın baş məşqçisi Joze Mourinyo komandası Konfrans Liqasının finalına yüksəldikdən sonra “Real”dakı həmkarı Karlo Ançelottiyə müraciət edib.

Komanda.az “Football İtalia”-ya istinadən xəbər verir ki, o, Ançelottiyə müraciətində finalı birlikdə qazanmaq istədiyini söyləyib:

“İcazə verin, dostum və həmkarım, böyük Karlettoya bir mesaj çatdırım. Gəlin, finalı birlikdə qazanaq!”

Konfrans Liqasının finalında “Roma” “Feyenoord”la, Çempionlar Liqasının final matçında isə “Real” “Liverpul”la qarşılaşacaq.

Mourinyo 2010-2013-cü illərdə “Real”ı çalışdırıb. Daha sonra onu Ançelotti əvəz etmişdi.