Motta futbolçusunu təriflədi: “Az danışsa belə, liderdir”

“Yuventus”un baş məşqçisi Tiaqo Motta komandanın müdafiəçisi Pyer Kalulunun oyunu ilə bağlı fikirlərini bildirib.

Komanda.az xarici KİV-ə istinadən xəbər verir ki, italiyalı çalışdırıcı, Kalulunun müdafiədə bir çox mövqeləri əhatə edə bildiyini söyləyib:

“Kalulu həmişə bizim layihəmizə inanırdı, gəlmək istəyirdi və gəldiyi ilk gündən özünü komandaya təqdim etdi. O, müdafiədə bir çox mövqeləri əhatə edə bilir, çünki ağıllı, əlçatandır və özünü göstərməyi bacarır. Az danışsa belə, liderdir. Həmişə öyrənməyə çalışır. Biz ondan çox razıyıq və onun bizə kömək etməsi davam edir. Hətta çox oynasa da, o, həm fiziki, həm də psixoloji baxımdan həmişə yüksək səviyyəni qoruyub saxlamağı bacarır”.

Kalulu “Yuventus”a 2024-cü ilin avqustunda, “Milan”dan bir illik icarə əsasında keçib.