Morata ərəblərdən sərfəli təklif alıb

“Atletiko”nun hücumçusu Alvaro Morata Səudiyyə Ərəbistanından çox sərfəli təklif alıb.

Komanda.az xarici KİV-ə istinadən xəbər verir ki, iki yerli klub futbolçu ilə əlaqə saxlayıb. Ən sərfəli təklifi “Real”dan ayrılan Naço Fernandesin bu yaxınlarda keçdiyi “Əl-Qadisiya” göndərib. Ancaq Moratanın özü hələ qərar verməyib.

İspaniyalı hücumçu üçün prioritet məsələ İtaliya A Seriyasına qayıtmaqdır. O, “Yuventus”un heyətində 4 mövsüm çıxış edib.

Moratanın müqaviləsində təzminat məbləği göstərilib ki, bu da 12-13 milyon avro təşkil edir. O, bu yay “Atletiko”dan ayrılacaq.