Türkiyə Futbol Federasiyası Montella ilə danışıqlara başlayıb

“Adana Dəmirspor”un keçmiş baş məşqçisi Vinçentso Montella Türkiyə millisinə rəhbərlik edə bilər.

Komanda.az xarici KİV-ə istinadən xəbər verir ki, Türkiyə Futbol Federasiyası 49 yaşlı italiyalı mütəxəssislə danışıqlara başlayıb.

Bundan əvvəl Türkiyə millisinin baş məşqçisi Ştefan Kuntsun postunu tərk edəcəyi barədə xəbərlər yayılmışdı.

Montella 2021-2023-cü illərdə Türkiyənin “Adana Dəmirspor” komandasına rəhbərlik edib. O, həmçinin “Roma”, “Fiorentina”, “Sampdoria”, “Milan” və “Sevilya”nın baş məşqçisi vəzifəsində çalışıb.