“Monako”nun hücumçusuna İspaniya məhkəməsindən cəza

İspaniya məhkəməsi “Monako”nun hücumçusu Vissam Ben Yedderə hökm oxuyub.

Komanda.az ESPN-ə istinadən xəbər verir ki, forvard “Sevilya”da çıxış edərkən vergidən yayındığı üçün 6 aylıq şərti həbs cəzası alıb.

Bundan başqa, Ben Yedder 133 min avro cərimə də ödəməlidir.

Xatırladaq ki, İspaniyada 2 ilə qədər nəzərdə tutulan həbs cəzaları adətən şərti işlə əvəz olunur.

Ben Yedder 2016-2019-cu illər aralığında “Sevilya”nın uğurları üçün çalışıb. Fransadan olan 32 yaşlı hücumçu “Monako”ya məhz İspaniya klubundan transfer olunub.