Ronaldo kubokdakı qələbədən danışdı

“Əl-Nəsr”in hücumçusu Kriştiano Ronaldo komandasının Səudiyyə Ərəbistanı kral kubokunda “Əl-İttifaq”la matçda qazandığı qələbəyə münasibət bildirib.

Komanda.az xarici KİV-ə istinadən xəbər verir ki, portuqaliyalı futbolçu bu qələbədə azarkeşlərin böyük rolu olduğunu bildirib:

“Möhtəşəm komanda ruhu! Azarkeşlərimizin inanılmaz dəstəyi bizə sona qədər mübarizə aparmağa kömək etdi”.

Oktyabrın 31-də Səudiyyə Ərəbistanı kral kubokunun 1/8 final mərhələsinin “Əl-Nəsr” – “Əl-İttifaq” oyunu keçirilib. Görüş “Əl-Nəsr”in 1:0 hesablı qələbəsi ilə başa çatıb. Yeganə qolu hücumçu Sadio Mane vurub.