Modriç karyerası ilə bağlı qərar verib

“Real”ın yarımmüdafiəçisi Luka Modriç cari mövsümün sonunda komandasını dəyişmək niyyətindədir.

Komanda.az xarici KİV-ə istinadən xəbər verir ki, xorvatiyalı futbolçu “kral klubu”dan ayrıldıqdan sonra karyerasını bitirmək fikrində deyil. Onun planları daha bir mövsüm oynamaqdır.

39 yaşlı oyunçu 2012-ci ildən “Real”ın rənglərini qoruyur. O, cari mövsümdə bütün turnirlərdə 20 oyun keçirib və 3 məhsuldar ötürmə edib.

Modriçin “Real”la müqaviləsi 2025-ci ilin yayında başa çatacaq.