“MLS-də oynamaq maraqlı olar” – “Çelsi”nin hücumçusu

İngiltərənin “Çelsi” klubunun futbolçusu Olivye Jiru gələcək karyerası və London klubu ilə bağlı açıqlama verib.

Komanda.az Fransa mətbuatına istinadən xəbər verir ki, 32 yaşlı hücumçu, gələcəkdə MLS-də oynaya biləcəyini deyib:

“Bu yay “Çelsi”nin müqaviləmin müddətini uzatmaq haqqı vardı və onlar bunu etdilər. Mən də heç vaxt ayrılmağı düşünməmişəm. Klubun mənə güvəndiyini bilirəm.

ABŞ-da, MLS-də oynamaq maraqlı olar. Bu, yaxın 1-2 il içərisində həyata keçərmi, bilmirəm. Bu müddət ərzində qarşıma başqa seçimlər də çıxa bilər. Nələr olacağını görəcəyik”.

2018-ci ilin yanvarından londonluların şərəfini qoruyan fransalı futbolçunun “zadəganlar”la müqaviləsi cari mövsümün sonunda başa çatır.