“Minay” Nuriyevsiz darmadağın oldu

Futbol üzrə Ukrayna Premyer Liqasında 17-ci turun oyunları keçirilir.

Komanda.az xəbər verir ki, azərbaycanlı hücumçular – Anatoli Nuriyevlə Rüstəm Əhmədzadənin formasını geyindyi “Minay” da növbəti matçına çıxıb.

Sözügedən komanda səfərdə Kiyev “Dinamo”su ilə qarşılaşıb. Futbolçumuzun komandası bu oyundan məğlubiyyətlə ayrılıb – 0:3.

Ötən tur qırmızı vərəqə aldığı üçün cəzalı duruma düşən Nuriyev bu qarşılaşmanı buraxmaq məcburiyyətində qalıb. Rüstəm isə start heyətdə meydana çıxıb və 54-cü dəqiqədə əvəzlənib.

“Minay” 17 turdan sonra 13 xalla 14 kollektiv arasında 13-cü pillədə qərarlaşıb. Sözügedən komandanın ehtiyatda da bir oyunu var.