Millətlər Liqası: Azərbaycan millisi bu gün Estoniya ilə qarşılaşacaq

Azərbaycan millisi bu gün UEFA Millətlər Liqasında səfərdə Estoniya ilə üz-üzə gələcək.

Komanda.az xəbər verir ki, C Liqasının 1-ci qrupundakı qarşılaşma saat 20:00-da start götürəcək.

Tallində keçiriləcək matçı İrlandiyadan olan Rob Harvi idarə edəcək. Qrupun saat 22:45-də başlayacaq digər oyununda Slovakiya millisi İsveçi qəbul edəcək.

İki turdan sonra İsveç və Slovakiya 6 xalla ilk pillələri bölüşürlər. Hər iki matçda uduzan Azərbaycan və Estoniya 3-4-cü yerdə qərarlaşıblar.

UEFA Millətlər Liqası, C Liqası, 1-ci qrup
3-cü tur

11 oktyabr

20:00. Estoniya – Azərbaycan
Baş hakim: Robert Harvi (İrlandiya).
Tallin, “A.Le Koq Arena”.