Millinin üzvü Braziliya klubunda

“Krasnodar”ın futbolçusu Kristian Kueva karyerasını Braziliyada davam etdirəcək.

Komanda.az xəbər verir ki, 27 yaşlı hücumameyilli yarımmüdafiəçi “Santos” klubuyla razılığa gəlib. Bu barədə Braziliya mətbuatı məlumat yayıb. Xəbərdə, “Santos”un Kueva üçün Premyer Liqa təmsilçisinə 7 milyon dollar ödəyəcəyi bildirilib. Transferin gün ərzində rəsmən açıqlanacağı gözlənilir.

Kueva 2018-ci ilin yayından “Krasnodar”da çıxış edirdi. Peru millisinin üzvü bu mövsüm Premyer Liqada 15 qarşılaşmada iştirak edərək, bir məhsuldar ötürməylə yadda qalıb.