Skaloni: “Messi bacardığı qədər oynasın”

Argentina millisinin baş məşqçisi Lionel Skaloni hücumçu Lionel Messi ilə bağlı yeganə istəyini dilə gətirib.

Komanda.az xarici KİV-ə istinadən xəbər verir ki, argentinalı çalışdırıcı Messinin komandada olmasının çox xoş olduğunu bildirib:

“Messi bacardığı qədər oynasın. Ondan xahiş etdiyim tək şey budur. Çünki onu meydanda izləmək və komandada olması çox xoşdur”.

Argentina millisi dünya çempionatının seçmə mərhələsində dünən Boliviyanı məğlub edib (6:0). Messi het-trik edib, 2 məhsuldar ötürmə verib.

Argentina yığması noyabrda Paraqvay və Peru milliləri ilə qarşılaşacaq.