Millimizin hücumçusu “Minay”la yeni müqavilə imzaladı

Futbol üzrə Azərbaycan milli komandasının hücumçusu Anatoli Nuriyev Ukraynanın “Minay” klubu ilə yeni müqavilə bağlayıb.

Komanda.az xəbər verir ki, bu barədə Premyer Liqa təmsilçisinin rəsmi saytı məlumat yayıb.

Yeni müqaviləyə əsasən, 24 yaşlı futbolçu növbəti mövsümdə də “Minay”ın uğurları üçün çalışacaq.

“Minay” Nuriyevlə eyni vaxtda, komandanın müdafiəçisi Taras Sakivlə də yeni müqavilə imzalandığını açıqlayıb. Onun da növbəti mövsümdə komandada qalacağı bildirilib.

Qeyd edək ki, Nuriyev “Minay”da 2018-ci ildən çıxış edir. Taras Sakiv isə 2020-ci ilin sentyabrından “Minay”ın formasını geyinir.