“Millidə özümü rahat hiss edirəm” – Adı “Milan”la yanaşı hallanan məşqçi

Belçika millisinin baş məşqçisi Domeniko Tedesko “Milan”a mümkün keçiddən danışıb.

Komanda.az “belgiumsoccer.be”-yə istinadən xəbər verir ki, almaniyalı çalışdırıcı Belçika millisi ilə müqaviləni uzatdığını xatırladıb:

“Belçika millisi ilə müqaviləmin müddətini uzatdım, bu, hamıya açıq siqnal idi. Komandada özümü rahat hiss edirəm. Ona görə də, başqa heç nə düşünmürəm. Futbolda hər zaman söz-söhbətlər olacaq, lakin onlar mənə heç vaxt təsir etməyəcək”.

Tedesko ötən ilin fevralında Belçika millisinin baş məşqçisi postuna keçib. Komanda onun rəhbərliyi altında yayda keçiriləcək Avropa çempionatına vəsiqə qazanıb.