Milli komandanın keçmiş futbolçusu oyun zamanı öldürüldü

Boliviya millisinin keçmiş müdafiəçisi Serxio Xauregi Meksikada həvəskar futbol matçı zamanı güllələnərək qətlə yetirilib.

Komanda.az xarici KİV-ə istinadən xəbər verir ki, 38 yaşlı veteran futbolçu su içmək üçün yan xəttə yaxınlaşıb. Bu vaxt naməlum şəxs onun yanına qaçaraq, odlu silahdan 6 dəfə atəş açaraq öldürüb.

Axtarışları davam edən cinayətkarı hələlik tapmaq mümkün olmayıb.

Serxio Xauregi peşəkar karyerasını 2012-ci ildə başa vurub. Veteran futbolçu 2004-2005-ci illərdə Boliviya millisinin heyətində 13 oyun keçirib. Bunlardan 9-u dünya çempionatının seçmə mərhələsinə təsadüf edib.