Millətlər Liqası: Azərbaycan millisi ilk “5-lik”də

Azərbaycan yığması UEFA Millətlər Liqasının qrup mərhələsində ən çox top qazanan komandaların siyahısında yer alıb.

Komanda.az xəbər verir ki, Canni De Byazinin baş məşqçi olduğu milli komanda 6 matçda 248 dəfə buna müvəffəq olub.

Komanda bu göstəriciyə görə 4-cü pillədə qərarlaşıb. Fransa (260) 1-ci, Avstriya (257) 2-ci, Danimarka (251) isə 3-cüdür. İlk “5-liy”i Moldova (245) qapayır.

Azərbaycan millisi ötən gün qrup mərhələsinin sonuncu turunda Bakıda Qazaxıstanı 3 cavabsız qolla məğlub edib.