Millətlər Liqası: Azərbaycan millisi bu gün Estoniya ilə qarşılaşacaq

Bu gün Azərbaycan millisi UEFA Millətlər Liqasının qrup mərhələsində Qəbələdə Estoniyanı qəbul edəcək.

Komanda.az xəbər verir ki, C Liqasının 1-ci qrupunun oyunu saat 18:00-da başlayacaq.

Matçı Şotlandiyadan olan FIFA referisi Con Biton idarə edəcək.

Qrupun digər görüşündə Slovakiya İsveçin qonağı olacaq. Bu oyunun start fiti saat 23:45-də səslənəcək.

Azərbaycan millisi əvvəlki dörd qarşılaşmada Estoniya (1:3), Slovakiya (0:2, 1:3) və İsveçə (1:3) uduzub. İsveç və Slovakiyanın 10, Estoniyanın 3 xalı var.  Azərbaycan yığması isə hələlik xal qazana bilməyib.

UEFA Millətlər Liqası, 5-ci tur

C Liqası, 1-ci qrup

16 noyabr

18:00. Azərbaycan – Estoniya
Baş hakim: Con Biton (Şotlandiya)
Qəbələ şəhər stadionu