“Milan”la “Monako” mübarizəni dayandırdı, “Bayern” 1/8 finalda!

Çempionlar Liqasında pley-off mərhələsinin cavab oyunları start götürüb.

Komanda.az xəbər verir ki, bu gün 4 matç keçirilib.

İlk oyunda “Feyenoord”a uduzan “Milan” Niderland klubu ilə bu dəfə evdə qarşılaşıb. Oyun 1:1 hesabı ilə yekunlaşdığı üçün “Milan” ÇL-də mübarizəni dayandırıb.

“Bayern” ilk matçda məğlub etdiyi “Seltik”lə doğma meydanda “sülh” bağlasa da, mərhələ adlamağı bacarıb.

Digər oyunlarda da “Brügge” və “Benfika” 1/8 finala vəsiqə qazanıblar.

UEFA Çempionlar Liqası
1/16 final mərhələsinin cavab oyunları
18 fevral

“Milan” (İtaliya) – “Feyenoord” (Niderland) 1:1
Qollar: S.Ximenes, 1 – Karransa, 73.
İlk oyun – 0:1

“Atalanta” (İtaliya) – “Brügge” (Belçika) 1:3
Qollar: Lukman, 46 – Talbi, 3; 27. Yutqla, 45+3.
İlk oyun – 1:2

“Bayern” (Almaniya) – “Seltik” (Şotlandiya) 1:1
Qollar: A.Deyvis, 90+4 – N.Kun, 63.
İlk oyun – 2:1

“Benfika” (Portuqaliya) – “Monako” (Fransa) 3:3
Qollar: K.Aktürkoğlu, 22. Pavlidis, 76-pen. O.Kökçü, 84 – Minamino, 32. Ben Seqir, 51. İlenixena, 81.
İlk oyun – 1:0