“Bütün futbolçular məndən nümunə götürür” – İbrahimoviç

“Milan”ın futbolçusu Zlatan İbrahimoviç İtaliya A Seriyasının 4-cü turunda “İnter”ə qarşı keçirdikləri oyunu şərh edib:

Komanda.az xəbər verir ki, 2:1 hesabıyla qələbə qazandıqları görüşdə komandasının hər iki qolunu vuran isveçli hücumçu, matçla bağlı bunları deyib:

“Milan” 4 il idi ki, derbini qazana bilmirdi. İki həftə evdə qaldım və oynamaq üçün səbirsizlənirdim. Nə olur olsun, bu oyuna çıxmalı idim. Komandanın ən yaşlı futbolçusuyam, daha çox məsuliyyət hiss edirəm. Bu hissi sevirəm, çünki bütün futbolçular məndən nümunə götürür”.