“Milan”ın belə keyfiyyətli oyunçuları ilə bu mövsüm çox şey əldə edəcəyik”

“Milan”ın yeni baş məşqçisi Serjio Konseysao komandanın səviyyəsi haqqında nə düşündüyünü söyləyib.

Komanda.az “Football Italia”-ya istinadən xəbər verir ki, yeni baş məşqçi “Milan”la bu mövsüm çox şey əldə edəcəklərini deyib:

“Milan”ın heyətindəki belə keyfiyyətli oyunçularla bu mövsümdə çox şey əldə edəcəyik. Düzgün mentalitet vacibdir, amma yaxşı təşkilatçılıq və belə bir oyunçu seçimi ilə uğurlu olacağıq”.

“Portu”nun keçmiş çalışdırıcısı dünən Milan komandasının baş məşqçisi vəzifəsinə təyin edilib. O, eyni gündə postundan uzaqlaşan Paulo Fonsekanın yerini tutub.

Konseysao yanvarın 3-də “Milan”ın baş məşqçisi kimi debüt edəcək və İtaliya superkuboku çərçivəsində “Yuventus”la qarşılaşacaq.