“Milan”ın baş məşqçisi istefa verib – Yeni çalışdırıcının adı məlumdur

“Milan”ın yeni baş məşqçi Serxio Konseysaonun təyinatını nə vaxt rəsmən təsdiqləyəcəyi məlum olub.

“Roma” ilə oyundan (1:1) sonra baş məşqçinin özü istefa faktını açıq etiraf etsə də, klub Paulo Fonsekanın qovulması ilə bağlı məlumatı hələlik təsdiqləməyib.

Komanda.az xarici KİV-ə istinadən xəbər verir ki, “Milan” yaxın saatlarda Fonsekanın gedişini və Konseysaonun təyinatını elan edəcək. Bütün sənədlər imzalanıb.

Konseysao son üç həftədə Avropa və Cənubi Amerikadan gələn üç təklifi rədd edib, çünki “Milan”ın marağından xəbərdar olub.

Milanlılar Fonsekanın rəhbərliyi altında 17 oyundan sonra 27 xalla A Seriyasının turnir cədvəlində 8-ci pillədə qərarlaşıb.