“Milan”dan daha çox şey gözləyirdim” – Keçmiş futbolçu

“Milan”ın və Braziliya millisinin sabiq müdafiəçisi Kafu keçmiş komandasının İtaliya çempionatının cari mövsümündəki çıxışını şərh edib.

Komanda.az “Milan News”-a istinadən xəbər verir ki, braziliyalı keçmiş futbolçu, “Milan”dan daha çox şey gözlədiyini deyib:

“Milan”dan daha çox şey gözləyirdim. Amma qarşıda hələ çempionatın yarısı var, düşünürəm ki, komanda zirvəyə qayıtmağa qadirdir. Bu, qalib gəlməyi bacaran komandadır. “Milan”da çox yaxşı oyunçular var. Mən Rafael Leao, Teo Hernandes, Alvaro Morata və başqalarından danışıram. Bu mövsüm onlar artıq “Real” və “İnter”ə qalib gəliblər”.

“Milan” hazırda A Seriyasında 8-ci pillədə qərarlaşıb.