“Milan”dan daha bir transfer

İtaliyanın “Milan” klubu heyətini yeni futbolçu ilə gücləndirib.

Komanda.az xəbər verir ki, sözügedən klub “Krotone”dən Junior Messiası transfer edib.

Bu barədə klubun rəsmi saytı məlumat yayıb. 30 yaşlı braziliyalı hücumçu 2021/22 mövsümünün sonuna kimi satınalma şərti ilə icarəyə götürülüb. “Milan” 1 illik icarə üçün 2.6 milyon avro ödəyib.

Messias karyerası ərzində 187 matça çıxıb, 40 qol vurub, 14 məhsuldar ötürmə edib. O, 2019-cu ildən “Krotone”də forma geyinir.