“Milan”ın baş məşqçi postuna əsas namizəd odur

İspaniya mətbuatı əmindir ki, Paulo Fonseka “Milan”dan qovulsa, onun yerini “Barselona”nın keçmiş baş məşqçisi Xavi Hernandes tutacaq.

Komanda.az xəbər verir ki, bu barədə “Elnacional.cat” məlumat yayıb.

İspaniyalı çalışdırıcı artıq altı aydır ki, işsizdir. Xavi üçün “Barselona”da işləmək onun Avropa futbolunda ilk məşqçilik təcrübəsi olub.

“Milan” hazırda İtaliya çempionatının turnir cədvəlində 8-ci yeri tutur. Komanda növbəti turda dekabrın 20-də səfərdə “Verona” ilə qarşılaşacaq.