“Milan” Konte ilə danışıqları dayandırıb

Antonio Kontenin “Milan”ın baş məşqçisi kimi Stefano Piolini əvəzləməyəcəyi ehtimalı böyükdür.

Komanda.az xarici KİV-ə istinadən xəbər verir ki, italiyalı mütəxəssisin özünün klubda işləmək arzusunda olduğu bildirilirdi. O, şəhəri bəyənir və Zlatan İbrahimoviçin dəstəyini də hiss edirdi. Lakin “Milan” rəhbərliyi danışıqları sonda öz təşəbbüsü ilə bitirib.

İtaliya çempionatının başa çatmasına 6 tur qalmış “Milan” “Yuventus”u 6 xal qabaqlayaraq turnir cədvəlinin 2-ci pilləsində qərarlaşıb. Amma çətin ki, lider “İnter”ə çatmaq mümkün olsun, xal fərqi 14-dür. Cəmi bir turdan sonra Simone İnzaqinin komandası vaxtından əvvəl çempionluq titulunu təmin edə bilər.

Növbəti turda Milan şəhərini təmsil edən iki komanda – “İnter” və “Milan” üz-üzə gələcək.