“Milan” danışıqları davam etdirir – Argentinalı futbolçu üçün

“Roma”nın yarımmüdafiəçisi Matias Sule karyerasını İtaliyanın başqa klubunda davam etdirə bilər.

Komanda.az xəbər verir ki, bu barədə “Calciomercato” nəşri məlumat yayıb.

21 yaşlı futbolçunun xidmətində “Milan” maraqlıdır. Onlar Sulenin transferi üçün ilk təklifi etsə də, rədd cavabı alıb. Buna baxmayaraq, “Milan” “canavarlar”la danışıqları davam etdirir.

Argentinalı yarımmüdafiəçi bu mövsüm “Roma”nın heyətində 18 oyun keçirib, 1 qol vurub. O, paytaxt klubuna ötən yay 30 milyon avro qarşılığında “Yuventus”dan keçmişdi.