“Milan” PSJ və PSV-yə təklif göndərəcək

“Milan” PSJ və PSV-nin müdafiəçiləri Nordi Mukiele və Cordan Tezeni transfer etmək istəyir.

Komanda.az “Tuttosport”-a istinadən xəbər verir ki, “rossonyerlər”in rəhbərliyi qış transfer pəncərəsində müdafiənin sağ cinahı üçün futbolçu almaqda maraqlıdır.

“Milan”ın skautları mümkün sövdələşmələri təsdiqləsə, klub PSJ və PSV-yə rəsmi təklif göndərəcək.

Mukiele bu mövsüm qol vurmadığı bütün turnirlərdə PSJ-nin heyətində 9 matç keçirib. Teze isə PSV-də 25 oyuna çıxıb, 1 qol vurub, 5 məhsuldar ötürmə edib.