“Milan” onunla da yeni müqavilə bağlamaq istəyir

İtaliyanın “Milan” klubu daha bir futbolçusu ilə yeni müqavilə imzalamağa hazırlaşır.

Komanda.az İtaliya mətbuatına istinadən xəbər verir, “qırmızı-qaralar” müdafiəçisi Alessio Romanyoli ilə müqavilənin müddətini uzatmaq niyyətindədir. Klub, sözləşməsi 2022-ci ilədək nəzərdə tutulan 25 yaşlı futbolçuyla uzunmüddətli müqavilə bağlamağı planlaşdırır. Tərəflər arasında danışıqların başladığı bildirilir.

“Milan” daha əvvəl Canluici Donnarumma və Hakan Çalhanoğluya yeni müqavilə təklif edib.